Háspenna í jörð

Þvert yfir Kjalarnesið liggur háspennulína ofanjarðar 11.000 volt. Þetta rýrir landnýtingu þar sem ekki má byggja nálægt háspennulínum. Nú er árið 2012 og slíkar línur eiga að vera komnar í jörð fyrir löngu. Það er ekkert sem mælir gegn því að koma þessu í jörð meðfram Vesturlandsvegi.

Reykjavíkurborg er á kúpunni, Orkuveitan er á kúpunni, Landsnet er á kúpunni. Hver á að borga fyrir að grafa háspennustrengi í jörð? Kostnaðurinn er margfaldur m.v. að hafa þá í háspennumöstrum, og ég efast um að það mætti byggja mikið nær þó þeir væru grafnir. Þar fyrir utan er nóg af byggingarhæfu landsvæði á höfuðborgarsvæðinu á lausu, þannig að þetta er aðeins kostnaður á móti engum gróða.

Allar nýjar línur skulu vera í jörð - og eldri línum skal hægt og rólega koma í jörð líka. En þetta er 100 ára verkefni, svo að það gerist ekkert á morgun. Og landnýtingin verður öðruvísi - landeigendur "græða" kannski ekki mjög marga fermetra, en samt ...