Hörmulegt ástand er á þessari fallegu styttu sem minnir okkur á landnám Íslands. Hún er í algerri niðurníslu og þarfnast lagfæringar. Hún er líka stórhættuleg í þessu ástandi, bitarnir sem eru að losna af eru þungir og hættulegt að lenda undir þeim. Hún er töluvert notuð sem leiktæki af börnum á svæðinu, þau eru í leikjum í kringum hana og klifra jafnvel upp á hana. Gerum við hana og leyfum fólki að njóta hennar, bæði sjónrænt og með klifri :)
Styttur í borginni eru til mikilla sóma og hafa oft tilvísun í sögu landsins líkt og þessi stytta sem minnir okkur á landnám landsins. Hún getur verið uppspretta samræðu um sögur landsins, hvort sem það á sér stað í gönguferð barna á skólatíma, útivist fjöldskyldna eða í leik barna sem hrífast af styttunni. Því þarf henni að vera vel viðhaldið svo hún sé það augnayndi og menningarprýði sem henni er ætlað að vera. Svo ekki sé minnst á öryggisþáttinn, að fólk/börn verði ekki undir hluta af henni.
This content is created by the open source Your Priorities citizen engagement platform designed by the non profit Citizens Foundation