Hvað viltu láta gera? Gera krossbraut, líkt og er á gatnamót Borgarholtsbrautar og Urðarbrautar á Kársesinu í Kópavogi. Rautt ljós er á alla umferð ökutækja á meðan gangandi fara yfir gatnamótin en með þessum breytingunum eru það gangandi vegfarendur eiga forganginn á gatnamótunum en ekki ökutæki. Hvers vegna viltu láta gera það? Eykur öryggi gangandi vegfaranda, einkum barna sem þurfa að krossa þessi gatnamót daglega til að komast í skóla. Þetta eru hættuleg gagnamót og hafa orðið þó nokkur slys þarna, því þykir mér upplagt að gera þessi gatnamór öruggari til að koma í veg fyrir fleiri og jafnvel alvarlegri slys.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Um er að ræða þjóðveg í þéttbýli og breytingar því á forræði Vegagerðarinnar sem er veghaldari þjóðvega. Breytingar á gatnamótunum eru fyrirhugaðar. Vegagerðin og Reykjavíkurborg eiga farsælt samstarf um úrbætur á þjóðvegum og verður tillögunni komið áfram til Vegagerðarinnar og skrifstofu samgöngustjóra og borgarhönnunar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd.
Slíka ljósastýringu má þegar finna í hverfinu, við Ægisíðu og Kaplaskjólsveg. Hefur að mínu viti heppnast vel. Svona fyrirkomulag er líka í allri Edinborg og hefur gefist vel.
This content is created by the open source Your Priorities citizen engagement platform designed by the non profit Citizens Foundation