Sparkvöllur í Skerjafjörð

já takk! Þetta yrði vinsælt og myndi stuðla að útivist og hreyfingu íbúa Skerjafjarðar á öllum aldri.

Hverfið er búið að bíða alltof lengi eftir sparkvell. Þetta myndi breyta ótrúlega miklu fyrir krakkana í hverfinu sem þurfa núna að fara alltof langt til að finna svæði til að fara í fótbolta eða aðra leiki sem hægt er að fara í á svona völlum.

Frábært ! Vantar alveg í þetta hverfi.

Það er tiltölulega langt fyrir börn í Skerjafirði að fara út í KR til þess að fara í fótbolta og því væri þetta kjörið fyrir börnin í hverfinu.

Já takk! Löngu kominn tími á að bæta leikaðstöðu fyrir krakkana í Skerjafirðinum.

Vantar sparkvöll í Skerjafjörðinn fyrir alla ungu og upprennandi krakkana sem búa í hverfinu til að koma saman og spila á góðum velli og í skjóli.

Þetta væri alveg frábær nýting á hluta Nonnatúnsins og yrði eflaust mikið notað!

Í meira en áratug hafa foreldrar barna í Skerjafirði óskað eftir sparkvelli í hverfið með aðstoð borgarinnar - nú verður það vonandi að veruleika!

Sparkvöllur væri fullkomin viðbót við Skerjafjörðinn!

Í miðju Skerjafjarðarhverfi er dásamleg svæði í miðju hverfinu sem er lítið notað því grasflötin er bæði óslétt og ekki hirt af borgaryfirvöldum. Frábær staðsetning og mikil þörf.

Í áratugi hafa krakkar notað grasbletti sem fer fækkandi og löngu kominn tími á alvöru aðstöðu.

Staðsetningin er í allt of miklu þéttbýli en túnið er í dag notað í ýmsa útivist fyrir alla aldurshópa. Það ætti frekar að koma slíkum velli fyrir á fotboltavellinum við sjóinn. Auk þess eru fjórir fotboltavellir i og við skerjafjörð en mikilvægt er að halda í fjölbreytt útisvæði, lifið er meira en fotbolti

Löngu orðið tímabært að fá sparkvöll í Skerjafjörðinn

Kæri hugmyndahöfundur Þín hugmynd var valin á uppstillingarfundi til þess að vera á kjörseðli hverfisins í kosningunni í Hverfið mitt næsta haust. Uppstilling kjörseðila fyrir kosningarnar fór fram á fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Nánari upplýsingar hér: https://reykjavik.is/uppstilling-kjorsedla-fyrir-hverfid-mitt. Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og niðurstaðan er að margar frábærar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. Til þess að auka líkurnar á því að þín hugmynd verði kosin til framkvæmda sumarið 2022 getur þú kynnt hugmyndina fyrir nágrönnum þínum og hvatt þau til þess að taka þátt í kosningunni í haust. Við sendum þér póst og minnum þig á þegar að því kemur. F.h. Hverfið mitt Kær kveðja, Eiríkur Búi Halldórsson [email protected]

Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Vesturbæjar á þriðjudaginn næstkomandi þann 30. mars milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/446160169797749. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]

Kæri hugmyndahöfundur, kosningu í verkefninu Hverfið mitt lauk þann 14.október sl. niðurstöður kosninga má sjá á www.hverfidmitt.is, Alls voru 111 hugmyndir kosnar og munu þær koma til framkvæmda á árinu 2022. Þín hugmynd hlaut ekki kosningu að þessu sinni. Næsta haust hefst hugmyndasöfnun að nýju og gefst þá Reykvíkingum aftur tækifæri til þess að setja inn hugmyndir að verkefnum sem gera hverfi borgarinnar betri og skemmtilegri. Við þökkum þér kærlega fyrir þína þátttöku og viljum hvetja þig til þess að halda áfram að vera virkur þátttakandi í málefnum hverfisins. Ýmsar leiðir eru fyrir borgarbúa til þess að hafa áhrif á þróun borgarsamfélagsins og síns nærumhverfis. Íbúaráð Reykjavíkurborgar eru lifandi samstarfsvettvangur samráðs íbúa, félagasamtaka, atvinnulífs og borgaryfirvalda. Virk íbúaráð eru í öllum hverfum Reykjavíkur og funda þau í hverjum mánuði yfir vetrarmánuðina. Nánari upplýsingar er að finna hér: https://reykjavik.is/ibuarad. Einnig viljum við vekja athygli á því að ábendingavefurinn er alltaf opinn fyrir borgarbúa sem vilja láta vita af einhverju sem betur má fara í umhverfinu eða þarfnast lagfæringar: https://abendingar.reykjavik.is. Bestu kveðjur, Eiríkur Búi Halldórsson [email protected]